Cur síos
Tá a shaol caite ag Gearóid Willie O Fátharta ag freastal ar dhaoine imeallacha. Óna óige i Cois Fharraige, gan mórán de mhaoin an tsaoil, go dtí an t-am a chaith sé i Meiriceá Theas, mar ábhar sagairt ar dtús agus ansin mar shagart oirnithe de chuid Ord na gColmbánach, le tréimhsí i measc pobail bhochta in Éirinn idir eatarthu, is iad an dream atá brúite i leataobh ag an saol is mó is cás leis. Sa leabhar seo, déanann sé cur síos ar a óige sna hAille, ait ar airigh sé an glaoch chun na sagartóireachta ar dtús, na hocht mbliana a chaith sé sa tSile faoi réimeas scáfar an deachtóra Pinochet, agus breis agus fiche bliain a chaith sé i favela i gcathair Salvador sa mBrasaíl, áit a bhí go mór faoi bhrú ó thaobh foréigin, drugaí agus brúidiúlacht póilíní dhe. Tugann sé aghaidh ansin ar an gcúis gur fhág sé na sagairt - mar a deir sé fhéin, thit sé i ngrá le mnaoi, agus thóg siad clann - agus d'fhill ar Éirinn le tabhairt faoi dhúshláin nua sa mbaile.
Íocaíocht & Slándáil
Déantar do chuid sonraí íocaíochta a phróiseáil go slán. Ní dhéanann muid sonraí cártaí creidmheasa a stóráil agus níl aon rochtain againn ar shonraí a bhaineann le do chárta creidmheasa.