Cur síos
Tá iarracht déanta sa tráchtaireacht seo idirghabháil a dhéanamh idir an léitheoir agus an téacs. Níorbh fholáir i dtús báire cúlra agus comhthéacs a bhrath, idir náisiúnta agus eaglasta: impleachtaí, idir oideachasúla agus reiligiúnda, réabhlóid chultúrtha na seascaidí agus tionchar aggiornamento Dhara Comhairle na Vatacáine, ar shaol agus ar shaothar an Standúnaigh, a bheachtú agus a mhíniú. Ó d'imigh leá chúr na habhann ar struchtúir, ar cheannasaíocht, ar bhéascna agus ar chleachtais institiúid na hEaglaise agus claochlú chomh mór sin ar an Éirinn a bhí anallód ann, ní fhéadfaí talamh slán a dhéanamh de go mbeadh fios fátha an chultúir agus an chreidimh a mhúnlaigh ár nglúinse ar eolas ag mórán de léitheoirí na linne seo atá faoi bhun an leathchéid.
Íocaíocht & Slándáil
Déantar do chuid sonraí íocaíochta a phróiseáil go slán. Ní dhéanann muid sonraí cártaí creidmheasa a stóráil agus níl aon rochtain againn ar shonraí a bhaineann le do chárta creidmheasa.